大市窄幅波動

港股這幾天都是窄幅波動，走勢未致於走樣。今天下午去了剪頭髮，然後又去睇牙醫，無空睇股市，收場組合 -0.20% 回報，已連續兩天負數收場 >_<

近排發現原來我在結婚前睇過牙醫後，已有三年無睇過，拿拿聲 book。今日去睇，發現超級多牙石，洗到我......洗完後發現條褲濕濕地，不過唔係失禁！^^''''  係緊張到出晒汗，我真係超級怕睇牙醫，醫生話一次未洗清，仲要去多一次。而且有三隻智慧牙蛀蛀地，建議最好脫。頂！好驚 wor  >_<

今早見中移動 (941) 價殘，吸納一點放在倉底，有網友提醒有壞消息對中移動不利，大行也調低中移動預測，不過筆者見中移動股價跌至 50 週線，過去這條線都有一定支持，而股價也跌到超賣區，加上自己現金多，所以買來坐一坐。行得慢一點都不緊要。

近排不敢有大動作，錯過了追入舜宇光學 (2382) 的突破點買點後，自己無乜發現有甚麼穩陣突破的好股可買，反而細倉注碼小，較容易走位。今早想追突破的創科 (669)，但想返起條規舉，盡量不要在早上追入突破股，結果無買，下午股價由升倒跌，前後相距約 5%，如果今早追入又奶野 =_=

目前持股：

中國移動 (941)           佔組合 8.63%
中國財險 (2328)         佔組合 7.19%
重慶農行 (3618)         佔組合 6.68%
上海醫藥 (2607)         佔組合 6.65%
金利來 (533)              佔組合 6.38%
巨騰 (3336)               佔組合 5.91%
方興地產 (817)          佔組合 5.76%
中銀香港 (02388)      佔組合 5.38%
瀚洋控股 (1803)        佔組合 4.24%

借出款項                   佔組合 3.38%
實物資產                   佔組合 8.53%
現金                          佔組合 31.27%

YTD +2.88%