A 股回勇

自從採用了 IB 的長效止蝕功能，自己少睇市，也甚少追漲殺跌，連上網都懶，夜晚多數是打機 ^^'''。感覺上自己的操作手法已定，只是會間中檢討一些操作細節，主要仍然是要 control 心態，以及守紀律。

以前經常煩注碼問題，經常在考慮持股比例要多少，但自從採用了聖杯的風險管理糸統後，這些煩惱也沒有了。 筆者暫時是再沒有甚麼新鮮的技術分析和大家分享了，所以較少出文。讀者們可以在 「圖表派資料室」以及 「組合的風險管理」中重溫舊文章。

近日 A 股明顯回勇，美股也跌不下去，不過恒指就跑輸國指。筆者組合上週有正回報，總算在跌市中保持硬淨，但由於持股比例少，在升市中就難免跑輸大市。不過年初筆者是很樂意保持着這個緩慢的步伐，不想回報大上大落。慢慢的向前行，賺夠就算 ^^。

有幸是過去在物業中賺取了足夠的資本，所以組合的 size 夠大，就算慢慢的行，都已經足夠生活。

好客之道

最近睇新聞見到個個週末都有所謂的反水貨客行動，又令我想起林子祥那個廣告：熱情香港、好客之道。

我之前已決心少講政治，但這次可以講係和政治完全無關係的。水貨客是極之討厭，但水貨客和 「國內人」絕對不能夠直接劃上等號，相反水貨客大部分都是香港人！現時班友仔見到拖住行李箱就辱罵，連小朋友都唔放過，甚至走入金行罵遊客，買金都係走水貨？

幾年前筆者跟團去日本，當時澳門開唔成團，結果 join 了香港團。親眼見到香港團友去日本掃貨那種瘋狂，一人拖住一個大行李箱過去購物，我心諗：洗唔洗呀？之後每遇見一間藥房，團友就要求導遊比時間停留，團友攞住一張好長的 list，要買齊咁多藥，我心諗：香港無藥房咩？(行過化妝品店同樣情況.......)

到後來有次旅遊巴停係油站入油，好多團友衝落去油站間超市掃貨，我心諗：超市都有嘢買？原來佢哋把超市的杯麵一掃而空，無錯，係掃清光！我終於忍唔住開口問了：山長水遠過來日本買杯麵？

佢哋答：因為香港無依隻味既杯麵囉！

我咀已 O......

下降軌突破

本週港股和美股均下跌，昨晚道指跌近 300 點，原因？美國失業率創七年新低，市場又憂慮加息？但早前市場才吹緊風甚至有可能減息！市場風向轉變之快，真是令人 O 咀 ^O^。當 QE 已變成毒品般，大家已經上癮，唔食唔得，市場甚至會把好消息當壞消息去睇。消息本身不緊要，大市和個股的走勢才是最重要，只要持股保持上升趨勢，而大市不是崩盤式大跌就無問題了。

本週組合回報有幸仍是正數，全週回報 +0.35%。目前持股：#656、#297、#2319、#1114、#533、AMPH、VRX、RDUS、PRE、ELY、SKX、TERP

除了主力玩形態突破外 (多數是杯柄突破)，筆者也有留意股價的中線下降軌，有時會選擇在突破降軌時先落一注，然後再等是否有形態突破，突破又再加注。

VRX、#656 均本身是強勢股 (長期上升趨勢股)，在前頂部作出一個深度調整，回吐至 50 週線附近有支持，然後見底回升，突破了中線下降軌，然後在右手邊做一個類似杯柄的形態，最終突破而上。在美股中可以找到不少這類形態的股票。

之前有身邊朋友問我，點解買 #2319，大佬！毒奶粉 bor！我都係同一個答案，純粹睇走勢而已，先下一注 test buy，之後證明買對了才加注。不加入主觀意見 ^.^