當清水貴過果汁

今日下午上唔到網，後來自己試 set 返 router 和 modem，發現可以用 modem 來 login (在 WAN set 返 上網的 username 和 password) 上到網，但係用 router 去 login 就唔得，可能個 router 壞了，現在要直接由 modem 駁 LAN 線落部機度上網   >_<

藍兵兄問勵駿 (01680) 出現突破和選舉有無關，但 #1680 和票王沒有關係，相反與 #1680 有關係的女士，今年卻只可保住自己個席位，可以話相當失望。票王兄目前是向女士的丈夫借賭牌，但票王的口號係，爭取 2015 年澳門政府會發放更多賭牌，佢自己當然對新賭牌虎視眈眈啦 ^^。講真 "漁頭" 這幾年真係經營不善，攪得好差！現時可能再新拆建，市場對佢有憧憬掛？

近排真係有個 "賭" 字都旺，講真我自己本身對賭場全無好感，等於香港人對地產商無好感一樣。不過也不是所有澳門人如此，相反是大部人都愛賭場，因為賭場是大家的米飯班主。所以話無分壟斷唔壟斷，無話無良唔無良，總之大家有利益就一定話好。你地話香港係班地產佬玩晒，其實這個問題係澳門，係嚴重十倍！

你睇議員的議席就知，有幾多係商界和賭場有關人士入圍？基本都係有 "賭" 字背景班人玩晒，之前話限發三個賭牌，結果賭牌可以出租、可以借、可以分拆，咁即係玩晒 >_<。背後利益輸送？黑幕？Who cares？總之有糖派邊個會出黎鬧？

-----------------------------------------------

筆者的小妹出年結婚，近日積極出外睇樓，她的心態和我不同，她是傳統中國人心態，唔買樓唔安落，租樓住係幫人供樓唔化算 ^^'''。但澳門樓價已升到瘋癲，老實講比香港樓市更癲。香港樓價比 97 年只高數十 %，而澳門樓價比 97 年高出數之倍計！ (當然和賭業興旺有好大關係)

目前情況，正如一支 1 公升果汁，假設價錢升到 30 蚊，好多人話貴買唔起，但係一支 300 毫升的清水賣 15 蚊，就好多人話平！爭住買。原因之一是好多人真係買唔起 1 公升果汁，但果汁又唔會出細支裝，而佢地又堅持一定要買嘢飲，於是只好買自己負擔得起的 300 毫升清水。卻不知道，原來清水的售價已貴過果汁。

樓市一樣，澳門二十年前的經屋，現時放出市場，尺價竟然可以和新建的豪宅有得暉，但由於那些單位實在太細，所以總售價低，就給了人錯覺，以為好平！買這些單位就等於用買果汁價錢，去買清水飲一樣。到 D 人連清水都買唔起時，市場可能會入一支支水喉水、廁所水，然後以果汁價錢賣比你，大家又都爭住飲  ^^'''