GTA 5

近日熱玩 GTA 5，講真連做股票的時間也減少了 ^^'''。不過隻 game 真係好正：

1. 此 game 的製作總成本，比電影阿凡達還要高
2. 全隻 game 人物對白的總和，編寫成書，有牛津大英字典咁厚
3. game 中的版圖，是歷來 GTA 中最大的
4. 我好欣賞佢套新系統，就是分三個主角，玩家隨時可以換人，但轉換使用的主角後，其他主角不是原地踏步呆住等，而是他們各有各的生活，在城中自己活動
5. 有超多交通工具比你玩
6. game 中可以買股票賺錢 ^_^

三個主角：
Michael - 老麥 (右)
Franklin - 小富 (中間)
Trevor - 老崔  (左)

三個主角中，我最喜歡 "癲佬" 老崔，最初覺得他的秃頭好唔掂，但我改了他的髮型，幫他留了後面長髮，再加埋一幅黑超後，就活像一個黑幫大佬。老崔係癲佬一名，但實力卻是三個中最強，識渣飛機以及做出很多高難度搏命的動作 (例如渣小型飛機在空中撞入去一架軍用運輸機中啦 ^^''')。而老崔其實是一個對朋友好有義氣的人。

我認為用二十年前的 Jack Nicholson 去演老崔就最似 ^_^

老麥是肥佬一名，射擊技術最好，但為人頗自私。Game 中他有家庭問題，妻子、兒子、女兒都離他而去。他的兒子 Jimmy名副其實是一條 "打靶仔"，屈老豆吸毒、偷老豆錢都唔緊要，我最嬲係，我把老麥那架 Audi 改到最勁，花費了十幾萬，打靶仔 Jimmy 轉頭把老豆架車都偷走埋，如果可以比我選擇，我會 "隊林" Jimmy，親生仔都係咁話！ >_<！！

我把麥的髮型改了，後面留長了，再加一點鬚，現實中用 Bruce Willis 去演應該幾似 ^_^

小富係黑人，個人無乜主見但幾有義氣，其實一直都係比老麥和老崔 "老點" 去做嘢 ^^'''。現實中找誰去演？......無乜意見，Will Smith？

---------------------------------

這裡就不劇透，而我也未打爆。不過有網友問題點樣買股票，其實劇情本身係會影響到 game 中某些公司的股價，例如暗殺全都社交網絡的總裁後 (暗示 FB 的某某？ ^^)，全都公司的股價就大跌，但 game 中無得沽空股票，所以預期某公司大跌，就要它競爭對手的股票。

例如暗殺任務要殺一間藥廠的老闆，你就要事先買入它的競爭對手：另一間藥廠的股票，事後那公司股價急升 8 成呢 ^_^

歡迎網友在此版討論有關 GTA 5 的話題 

                                                 (老崔放火有時都幾型架 ^^)

                                                (這個美女究竟有無得出場架？ -_-'')

                                           (打靶仔 Jimmy，遲早 隊林 你！！ >_<)