攪很錯

大市近日下跌，筆者也已進入放假 mode，今早再清走兩隻持股，Full Cash 等放假。2013 年還有不夠半個月就結束，筆者開始執返好操件守則的一些細節，下年但求選股更加嚴謹，減少買賣次數，一旦買對了超牛股，就要勇於加碼，以及必須多留意市值大的股票 (因為筆者偏愛二三四線細價股 >_<)。

這個近乎粗口的標題不是講股市，而是講近日法院判決，新移民不需要在香港住滿七年，就可以申請綜緩。而事後多個議員，包括 乜乜俊人，就話這是確保市民享有平等的基本權利，又話不擔心判決會令到綜緩申請個案激增咁話！那我就唯有送這個標題比佢地 @_@

當年是誰幫手打官司，導致莊豐源案例？當年佢地都話不會導致日後社會的嚴重問題，現在呢？好多香港市民當中國新移民蝗蟲咁鬧，其實罪魁禍首是誰？還有幫賓賓攪合法居港權又是誰？

講真要住滿七年才可以享有綜緩社會福利，是合情合理，除非你是本土出生，否則你要先在香港有貢獻，才可以和大家分享福利，極之合理！但法院已判決了，政府迫住照做，以上的議員們又可以把矛頭直指政府，以及誤導市民把矛頭指向新移民，乜嘢蝗蟲、支那豬等又朗朗上口。偉大的議員們真高招！

其實一旦已經立例，就不能怪人家來港申請綜緩，有得請唔請嗎？乜乜人都話這是基本權利啦。正如澳門年年派錢，未住夠七年不是永久居民的人，只要申請到張澳門身份證，一樣可以收錢，邊個唔黎攞？有幾多香港人一樣過黎申請，佢地有貢獻過澳門嗎？但澳門人不能仇視他們吧？法例就是法例，有得申請唔申請，你估是聖人嗎？

所以我覺得要敵視的不是新移民，而是那班尊貴的議員，總之神係佢鬼又係佢，一時化身大仁義的天使，幫外來人攪福利，以求大家平等、世界大愛咁話。一時又化身正義判官，怒罵政府無能，導致雙非、自由行迫爆、搶奶粉等問題。咁樣做法真係無得輸，你地真係玩晒！正所謂生不入官門、死不入地獄，來生只求做議員。