聖誕快樂

明晚就是平安夜，祝各位聖誕快樂！以前做 "仔" 時平安夜前夕都會很興奮，因為多數唔係 party 就是唱 K，成日幻想 friend 搭 friend 之中會有靚女，而個靚女咁啱又睇中我，哈哈，當然係幻想 (妄想) only 啦 ^^'''。

人越老就好似越覺得無聖誕氣氛，自己又無得收禮物，就算有都無以前細個時咁興奮，因為現時大部分禮物我自己買得到，唔通有人會送架法拉利比我咩？有我先驚喇 ^^  (就算法拉利我勉強也買得起，不過會被人罵到飛起  >_<)

今日港股指數反彈力弱，但好多個股屬報復式反彈，大市是否見底仍是未知之數。反而美股就真是氣勢如虹，下年初筆者要重回美股懷抱。

今天由銀行戶口再調多一些資金進證券行戶口，因為銀行只有限價盤可以落，不能起到止蝕/止賺的保護作用，對於不能貼市看報價的日子，其實是頗危險的。證券行的升穿或跌穿某價就買入或沽出的功能，十分好用。

下年初準備投資美股和港股的資金比例大約是 2:3，但如果港股持續轉弱而美股表現不錯的話，則可能加大美股的比例。今晚美股暫時又再升。