寒戰好睇！

今天下午約了朋友一齊去睇 <<寒戰>>，所以沒有睇市，收市後睇反正變化不大。寒戰好鬼好睇，首先有我偶像城城，然後又有劉華客串，不如導演安排劉華係下集中做埋特首丫，超型！！ (大家睇咗的都知道有下集的成數好高 ^.^)

梁家輝真係要比個最佳男配角佢，做得超好！！最鍾意佢果句：做乜 "懶" 事！在這裡不透露劇情，大家自己看。最抵死係擺明影射 包大人同佢姪女 ^-^ (我好鬼憎佢)

講返股市，全日波幅好細，今天組合微微有升幅，回報 +0.31%，Keep 住一個穩定又好慢既步伐，原因是自沽出 舜光 (2382) 和創科 (669) 雙箭頭後，整個組合即時沒有了焦點。而我的反應太慢，也未能及時買入另一個超牛板塊 = 燃氣相關股。

這是一個很好的教訓，所以有人問起我有關一些在高位整固的超牛股意見，我都一律答，走勢未有明顯走樣或觸及自己止蝕位之前，不要輕易沽出。

下午睇完戲收到一個朋友 message，問我保利協鑫 (3800) 攪邊科今日大跌，我答都係果幾句 (我一早已告知朋友)：

1. 在太陽能板塊內，興業 (750) 走勢遠較保利協鑫 (3800) 強好多好多，是一早已好明顯見底強勢回升。如果要細分，其實可以把 750 和 3800 分兩個板塊都得，因為業務性質不同。總之想買太陽能板塊，750 應是首選 (當然不是叫佢今天買 ^^''')

2. 我盡量不買 50週線下的股票，因為震盪可以好大 (除非如 2038 出現的巨量裂口)，如果真的想收集，止蝕位一定要放寬 (不是臨時放寬而是買入前已設好一個較寬的位)，注碼一定要減低，以免經常被震走蝕獲金。上週 3800 出現的成交量是三年之冠，如果注碼夠細當是第一注收集，今天大跌未到止蝕位的，其實也可以坐一坐。

買任何股票也預了買入後走勢和預期相反，尤其以殘股的走勢更難捉摸。所以注碼要適度分散，另外如果組合只夠買三幾隻股票，那麼應該嚴格管制自己，只可同時持有一隻殘價股，以降低整個組合風險。除非你是基本分析專家，是專撈殘股的高手，否則滿倉都是殘股，可能一個二三線股洗倉日，已把你的組合打到七癆八傷，到你急急止蝕完，它們卻又快速回升，再嘔多兩升血.......