大市調整

自考完車後病咗足足一個星期，病到無心機睇大市及股票，上週五美股倉大部分股票回吐得幾勁，但自己反應太慢，要到今晚才沽出 PANW 止賺和 VRX 止蝕，PANW 業績日裂口升 >4% ，之後連續回吐，其實上週週線圖已出現巨量成交大陰燭，只不過未中預設盤，自己又沒有認真觀察，今晚中了價位但已經是再低幾 % 才沽到。VRX 業績後股價無反應所以止蝕定得較緊，走勢其實未算走樣。

今日港股和美股都跌，但港股倉持股今日表現算 OK，尾市買入 #1661，但明天會否全部持股追跌就唔知。美股倉今晚繼續勁回吐，持股幾乎全紅 >_<。市場怕俄羅斯出兵，俄羅斯相關股 YNDX 暫大跌 14%。

恒指今日再跌穿 50 天線，而 50 天線目前是向下彎，假設之前已經見了底，但調整拉鋸可能也要花唔少時間，到年中才有明顯趨勢都唔出奇，指數甚少是從底部一 take 過大 V 型反彈直接破頂的。

美股指數今晚也跌超過 1%，走勢上未算走樣，但留意上週五納指創高位後倒跌收場，成交明顯放量，似是已見短期頂，當然反覆向上格局未變。

近日人仔下跌，筆者心郁郁想低吸一些人仔，貪年息有 3 厘，但又看不清人仔前景，所以未下決定  >_<

----------------------------------------------------------------------------------

香港反自由行的行動繼續演下去，大陸開始關注，APEC 會議臨時改地點不在香港攪，我自己覺得中央減少自由行的日子也不遠矣，到時是階大歡喜還是新一輪危機？

睇經濟日報話近月吉舖開始湧現，一來租金上升得太瘋狂，二來中港矛盾這是一個待爆的炸彈，零售股是否開始高危？