千億成交

港股最近連續爆出千億成交，大市 chok 下 chok 下，講真指數暫時並唔算差，只係 50 天線附近上落，但好多二三線股都跌獲金，近排是內保、內房、內券強勢，其他股真係幾難炒。筆者未睇清應該點操作，唯有先撤退，港股倉已 full cash。因為近排花精神但完全無得着，得個做字，情願清了倉，打下芒亨 (Monster Hunter 4G) 好過 ^^

美股倉目前有：PTX、TGTX、AGN、UA、AERI 五隻股。早前因為決定唔敢博業績，於績前沽了一半 PANW，於業績當天再升 4% 時沽清，可能沽早了點，但真的不敢博業績，因為事前係完全無得估。

事實也有唔少股票，出業績當天插到返艇，所以情願錯失有可能業績日出現的上升裂口，也要先減持或沽出避免大跌，如果業績開市後兩個小時都未見大跌，反而可以博一博炒短線。