打風

今晚香港應該在一點四十分掛八號波，正常明天上半晝應該休市，不知下市是否復市，最好是全日休息，等我都可以訓下覺休息下，最近連打機都無時間，已經四個星期無得打機，隻 The Last of Us 打到一小半就停咗。

夜晚要玩美股，朝早要起身車仔返托兒所，然後返工，下午等港股收市後才可訓一陣，有時真係頂唔順就諗一陣 3:40 起身睇一睇市，好似尋日下午咁唔知醒，無入到牛仔以及 #3900，今日才入 #3900 就買高了 3%。最近真的有點累 >_<

今日恒指又升 269 點，成交明顯放量至 728 億，比昨天成交更高。大市短線升得有點急，但成交量真金白銀有花無假，現階段已無謂看得太淡，設好止蝕位跟炒一轉無壞。但我自己只會選有一個較長期扎實底部區，而最近又向上突破的股票。不會選一些最近才直接由最低位開始抽升的股票，因為沒有扎實的底部區，升幅可能有限。

今天買入雙底突破的 #3900，昨天雖然未突破，但短線在 10 天和 20 天線之間找到支持已反彈兩日，昨天尾市買入的話，止蝕位易設。而 #268 昨天才突破 Cup with Handle，但支大陽燭升得太勁，到今日回調少許才敢追入一注。

目前兩個港股倉都均有 4 成現金，等待合適時機會逐步加碼。