樓價跌一半？

財經雜誌今期訪問 【最準分析員】 X 東先生，一直是樓市大好友的他，竟然轉呔話樓價會跌一半，不過他今期說的幾個 point，都和筆者的想法有點相近。但一直是內銀大好友的他，又轉呔話不會看好內銀，推介的股票中一隻內銀也沒有 ^^'''

樓價應該是已經見頂，筆者認為上升週期完結後，步入熊市最低消費應該至少調整 30%，跌 40-50% 是中間位。但如果同時發生金融風暴，香港失業率大幅上升，樓價就有機會跌 6 成以上。不過現階段無謂斷估，總之筆者自己就不會現時買樓。持有現金是非常正路的選擇 ^_^。

港股今日回升，但筆者的港股倉幾乎全紅，美股今晚只微升，但強勢股卻升得非常靚仔，筆者早前沽出的 KORS 和 UA 已連升幾日，KORS 已破頂。而 SSYS 今晚再升 >5% 又突破。筆者週五才買回的 GMCR 今晚都升 >2% 創 52 週新高。

如果不是 LITB 蝕到暈迫住要清倉，今個月美股倉回報已創新高。不過當初定下的止賺策略必定要律守，就當是買保險 ^^。但美股回穩之下，應該可以逐步補回一些股票。筆者在美股市場炒強勢股，手風真的好過港股，港股炒了兩個月回報都是雞碎咁多 >_<

--------------------------------------------------------------

今日又吹下水，筆者一早已講過，自己是從來都不投票，因為自己是絕不信任議員。最近香港又出現疑似議員收受利益輸送，其實國泰的發展大計，關班議員咩事？就算是公事，點解連家人都去埋？

講真這可能真的只是小事一件，但衰在班友仔雙重標準，之前煲呔坐人遊艇，比班友仔插到暈，要佢立即下台。咁現時佢地又洗唔洗下台呢？ 事後話捐錢了事，但之前梁棉松捐錢又唔得，都一樣下台。

筆者已經厭倦班議員的雙重標準，議員監察政府是好事，但又有誰去監察這班大哥呢？只有佢地可以鬧人，一味要求政府官員做到包青天咁 perfect，佢地犯錯又則則膊唔多覺，吹脹！