美股強勢

今日港股仍是弱勢，恒指微升 28 點，國指仍是下跌。相反美股今晚彈力不錯，watch list 中多隻股票都出現強勢突破，其實昨晚有幾隻靚股都已突破，不過筆者以大市可能繼續調整為理由，買貨好審慎，不想一下子用盡本月風險的上限，好似太陽能 CSIQ 已經破頂，突破後今晚再升近 8%，無貨真心痛 >.<

筆者最近玩港股仍然嘛嘛地，繼之前止蝕上實 (363) 後，又心急買中突破失敗的信達 (1359)，所買的股全部坐艇，相反買美股反而不錯。一來港股大市弱於美股，二來是筆者自己捉不到市場的焦點，或錯過了好股的買入點，相信各位網友的成績必定比筆者好好多，如果最近炒中幾隻半新股都發達，今日濠賭股也 keep 住強勢破頂，這些筆者沒有買入，是人的問題，不是市場問題 ^^'''。

先前在港股錯失了科網和環保股的最佳突破點，之後不敢高追，好似 #8002、#816 都是筆者 watch list 中的首選之一，但不敢高追後轉而去買入 turnaround 股如 #806、#363，應該是錯誤的選擇。買股真要有強買強，有強唔買轉去買弱，效果強差人意。港股方面今日沽出暫時是突破失敗的 #1359，換入昨天已突破的博雅 (434)。

我買入時在早上，看見其他半新股都一突破無回頭，從而影響了我的判斷，平時我好少在早上買股的，這次是自己的錯。信達 (1359) 早上突破了紅色線，成交也放量，但下午升幅已經收窄，收在突破點以下，如果未有貨就不會買。第二天股價仍然下跌，也收在突破點以下。第三天 (即今天) 股價再跌，暫時已經算是突破失敗。可能要在突破點下再儲力再爆升，到真正突破時才買回吧。

 美股方面，太陽能升勢好勁，JKS 雖然突破高位，但這半年來的走勢是沿住 50 天線反覆上升格局，離 50天線太遠調整的風險增加，所以暫時不是筆者的加注點。今晚買入 cup with handle 突破的 WDAY (應用軟件)，以及早前已經 cup with handle 了的 HLF (個人護理產品)。美股目前持有：JKS、SAVE、UBNT、HLF、WDAY。其中 JKS 已經推高止賺位，騰出風險空間可以買入更多持股。

網友甲兄問我如何判斷是假突破，上方信達 (1359) 其實不算假突破，只是 "突破失敗"，因為收市價從未企在突破線上。假突破應是收市價完全企在突破點上，但之後數天好快又跌回突破點下，並且開始每況越下地跌。要判斷假突破還是後抽有點難度，但可以看突破時的成功量，如果突破時成交量一般，不是放出大量，而突破時只是微微升穿突破點，而不是一支大陽燭猛力剌穿，如果突破當天更加有較長上影線的話，則這個突破可能是無力度，如果之後再快速跌回突破線下，則好有機會是假突破。

---------------------------------------------------------------------

昨天網友 MR 兄的留言寫得不錯：

其實香港嘅case係好複雜，一國兩制係史無前例嘅，呢個制度後面反映咗 “一個人要討好兩個主人，一是呀爺，二是香港居民”。聖經都有講“一個人不可侍候兩個主”。貼身啲講，就算我哋呢啲打工仔，有時under兩位上司都會好 煩惱，順得哥情時，又有機會失嫂意。而香港特首目前正正面對呢個難題，有些人想把香港和其他獨立民主國家相題並論，但卻忽略了香港是一個“特區”不是一個 “國家”。係呢個似自主又欠自主，欠自主又追自主的環境下，邊個做特首都難，普選只是一個較令人順返啖氣嘅出路，但絕非等於“有真普選就會冇曬問題”

我一早都話香港特首唔易做，可能係世界上最難做的工之一。因為香港市民對特首的要求，和聖人無咩分別 ^^'''。其實做特首奸唔緊要，最緊要奸得有政績，佢屋企僭建其實關我地鬼事咩？ 如果真正做到嘢，則如美國前總統克林頓攪單大的醜聞，一樣可坐穩穩做總統。

CY 係無政治智慧，或者有好多事唔係佢一個人可以話事 (來自更上方的指令？)，明知民望低，仲要攪國民教育，最近又攪發牌事件。這些事前應該都明知比人插硬！不過佢攪零雙非，的確係有為香港市民做過嘢。打唔好這份工，可能是能力問題，他不是和香港有仇，想整死大家，唔洗當佢殺父仇人咁憎既 ^^'''

時下最 heat 話題是普選，但有些人把社會問題的原因，一律歸咎於因為沒有普選。好似最近幫來港不夠七年人士攪申請綜援那班社福，比人插到飛起後，一連兩日上港台節目左右紅藍綠急急解話，其中一人講講下，把焦點一轉就話：唯有真普選社會才會好之類.....大佬！你幫人攪綜緩又關普選咩事呢！ 賴得就賴？

P.S. 如有網友想私下問我嘢，可以 send email 比我：terrychow2000@gmail.com