減息

昨日家有喜事，筆者做大舅爺，所以好忙沒空寫第二篇風險管理文章，唯有出篇短文應付下先。

人行上週五突然宣佈減息，相信令唔少人嘩然，因為真係唔知因咩原因要減息。近月日本、歐洲都量寬，印象中好似澳洲都是？總之不少貨幣對美元相對貶值，現時連中國都減息，是因為人民幣走向市場化，怕人仔升值太快而降一降溫嗎？今早港股大升，但仍有不少股票逆市跌，筆者倉位五隻股都連中四隻紅色，今早升得較靚的是一眾高負債的基建、內房等股票。

筆者已在考慮年底前把港股倉拆了，把資金搬埋過去 IB，組成單一個大倉。除了可減輕手續費，令交易轉身可以更快更靈活外，也因為 IB 有一個可維持長期的到價止蝕/買入的操作功能，不用每天都重新 set 多一次。另外可以隨時調整港股和美股的比重，美股強時買重一點美股，港股強時可把資金快速轉入港股市場。

不過由於 IB 沒有 office 設在澳門，甚至我連 IB 在香港的 office 都未上過去，一切就是在網上操作或者打電話過去，好似有點隔山打牛 feel，以及有點不太穩陣的感覺 >_<。