美股倉被迫清倉

昨晚見美股有輕微反彈，自己倉位的股票都有反彈，SSYS 再破頂，再配合昨天標題是看好科網類，於是手多多又買了正在反彈的 LITB，並立即設定止蝕，如果即日倒跌自動盤沽出。

最 衰係尋晚收市仍微升 >1%，唔中止蝕盤，收市後一出業績即急插近 4 成 (場外交易)。買時由於美股大市仍是 market in correction，所以真不敢下重注，只敢下好少注碼，但由於今晚裂口低開已近 4 成，實在太傷，單隻已拖累組合回報跌 1.3%，本來一直守得好穩陣的回報，比尋晩衰手多累事，一下子跌到整體回報的止賺位，被迫全部清倉，沽出剩下的 SSYS、KORS、ACT、UA、VRX，鎖定利潤。

今次一早已預演如果美股崩盤式急插會怎樣，亦已按部就班地減持股票，以及預設回報底線鎖定利潤。由於上個月才開始玩美股，7 月回報是 +5%，回報底線我設了 3%，若果回報一旦跌到 3% 則全面清倉，以鎖定這 3% 利潤。

今 晚就一下子到步了，其實 UA、KORS、SSYS、VRX 走勢完全無問題，ACT 就有點回軟，我已減持過一次，預備今晚再跌就沽，但前四隻我真不打算未到價就沽。但無奈手多多累事，其實這一次美股跌市我已做好準備，在 Maret in Correction 時一直能夠忍手不換馬，不買股。忍到尋晚終於手多衰咗。

不過早早已在筆記上寫低：上得山多終遇虎，遲早到我買中急插股， 夠晒壓韻！^_^  主要係自己觀察到美股其實好波動，尤其是業績期，好多股票動不動就大幅 Gap Up 或 Gap Down，所以就寫低警剔自己，未買中急插股只是暫時好彩，終有一日會買中。所以不能一下子去得太盡，維持住小注試水，買對了加小注，倉位盡量保持大量現 金，以降低風險。

今晚清了美股倉可以有一覺好訓，明天再檢討買賣，以及留意美股大市有無 follow through day 出現，有就再出動入市。

P.S. 但迫住沽出 KORS、VRX、UA 真有點心痛呀......佢地仍然是多麼的可愛 >_<

---------------------------------------------------------

至於亞洲今日走資，是否真的金融風暴前夕則未知，但也按策略開始減持香港股票。筆者一早已講過，自己經歷過這三年，基本上不會對中港股市有太大寄望，甚麼牛三牛四，等港股成功突破一浪頂低於一浪頂再算吧，但暫時仍未......

所 以港股要炒都只是炒波幅，炒上落市。至於上幾多落幾多無人知，我當初預計今次彈到下降軌會有阻力要回，但目前睇仍未彈到下降軌已開始回，大市比我想像中較 弱。但現階段又不必睇得太淡，應該話目前係未有一個清晰的格局出現，恒指過去八週中升了七週 (不計本週，因為本週未完)，所以就算跌返一兩週都可算正常調整。

目前是見步行步，到價必打，沽一隻少一隻，不頻繁 換馬。我好 buy 網友草根兄一句，就係大跌市唔好理乜嘢基本因素，總之一概係陪跌，無論點都要保本為上。我今晚睇返 LITB 的數字，無論點我都找唔到原因佢會 gap down 近 4 成......anyway，市場比我聰明，總之市場永遠是對的 ^^''''