吹水

大市無乜好講，今日純吹水。睇到香港某大學，學生會衝出來話唔承認新校長既委任，話要重選 (當然學生會要參加投票)，睇到我 R 晒頭，又感到一陣寒意。

我之前都講過，在港澳地區生活，我完全 feel 唔到我自由被人侵犯，我係外國讀書咁多年，已見盡外國既所謂自由，其實不比港澳地區好。最近美國特攻爆大獲單野，已經知道美國係幾有人權啦。我見到最多既，反而是類似從前共產黨既手段，把異我見者全力排除。

我諗世上真係無乜邊間大學，係可以由學生會參與選校長吧？正如一間公司，CEO 或主席唔係由員工一人一票選出，你可以揀既，一係做依間公司既員工 (前題都要人家請你啦 ^^)，一係就轉工。就係咁簡單！

我以前讀大學，未上堂第一日已有老師教我哋，係大學中誰學術地位高，誰就享有更高權利。好似教授剛好係早上八點得閒上堂，學生就要 "就" 教授，一係你就選個其他科。絕對無教授反過來 "就" 學生之理。大家不要誤會，我不是在中國上大學，是在自由民主國家 ^^''''。

現時大學生攪成咁.......我真係滴晒汗 -_-''''

--------------------------------------------------------------------------------------------------

蒙牛 (2319) 出消息要收購雅士利 (1230)，但其中一方案只是以現金 $3.50 來收購，有無攪錯？份報告話按聯交所最後交易價 $3.20 計，溢價 9.40%，我又唔明，點解唔係按停牌前既 $3.33 計？

如果以 $3.33 計，溢價只得 5.10%！大佬！如果唔係攪單野停牌，雅士利跟隨大市反彈，可能都唔止彈 5% 啦！ >_<！！

出價咁低，唔明點解要賣比佢，係市場上賣都得啦。R 頭！