2013-7-18 (updated)

Sorry 最近好忙，又無咩嘢好寫，唯有 hea 住咁出 post 給大家新版面吹水 ^^'''。

港股連續第四天悶局，整日窄幅波動，成交維持在 500 億以下的低水平，這是待變格局。

利好的是：
1. 大陸股市跌，但港股算是企得好穩
2. 早前 10 天線、20 天線已黃金交叉
3. 到現時仍然守得住上週的上升裂口

現時條 10 週線終於拖到下來， 要看明天大市點走，希望本週能夠開陽燭，那麼看週線圖仍然利好，之前週線的兩支大陽燭，成交量都比上一週的陰燭高。

暫時港股我看大市多於看個股，雖然有買個股，但都是較分散地每隻只敢下小注，始終要等大市來一波急升就大家齊齊升，如果急跌就齊齊散水。反而美股暫時更易玩，由於是明確牛市，追入成交放量、向上突破的股票，其中伏機會較低。

筆者昨晚分兩小注追入兩隻成交明顯放量、裂口上升的股票，兩隻都算是殘股，但其上升裂口跳空了突破點，小注試試看，買對才加注 ^^。

-------------------------------------------------------------------------

下午完全無睇市，剛看到留言區留言，網蟲 (777) 唔洗講，通常這些大事件不會跌一日就算，可能要聽 Perry 兄號令 $17 蚊才入？之前 Perry 兄自己都唔信會跌到 $17，但今日已到 17 個幾 ^^'''。

或者學 V 兄，大跌三日，等三支巨量陰燭出現後才出手？華潤電力 (836) 也是，一點反彈力都無 >_<

今日創科 (669) 和敏華 (1999) 都大跌，Capmo 大大話美國新屋數字唔靚，我本身無乜留意，兩隻的業績應該是很強的，但如果買受惠美國樓房復甦的港股，現時我會選擇直接投入美股買當地的相關股，咪仲加受惠？

但問題來了，我之前都問過草根兄，我 search 過當地受惠樓房復甦的家具股，但發現走勢不是太靚仔，草根兄話由於美國預期快加息，相關股票可能會提前受壓，暫時講中了 ^^