地產界遊行

今日港股輕微反彈，恒指回升 100 點，成交再縮至 440 億。昨天有明顯由低位收窄跌幅，今日有輕微反彈，短線走勢不算太差，但始終要等一個有成交量支持的大升才叫利好。美股已連升多日，筆者已經開始做定功課尋找靚仔美股，自己從未玩過美股，完全不熟美國公司，唔通只買蘋果 AAPL 咩？ ^^'''

筆者會以圖表行先，尋找有無 Cup with Handle 突破或者突破前的口樞買點等等，盡量以強股為第一選擇。不過自己睇慣 aastocks 的圖，但 aastocks 的美股圖表好似未能在第二天早上 update。

---------------------------------------

近期股市無乜好炒，下午自己也是多做功課少睇市，所以較少回應留言區留言。今日繼續吹水，最近有地產界人士遊行，要政府盡快撤回打壓樓市的招。

我個人認為目前樓價未有任何下跌，這個時候撤招，真係玩嘢咩？ -_-'''  撤完招如果樓價再急升，政府隻 "獲" 咪好大？？無錯地產經紀收入大減，但同樣政府少了很多稅收，政府是有前無後的決心，盡之要樓價跌。

不過我本身都不同意政府過份干預自由市場，但大家有無睇七一遊行中，有人話自己月入六萬都上唔到車，話政府無能，無能力拖低樓價給他們上車。如果政府當初真係咩招都唔出， 仲會衰多兩錢重。

其實社會上各有各的訴求，之前樓價急升，其實大把人有錢賺，所以樓價上升時他們是沉默的一群 (悶聲發大財？ ^^'')。樓價不斷升，買不到樓的人就不斷插政府無能。但如果樓價之後急跌呢？唔理關唔關政府出招事，總之又會有一批剛上車的 "苦主"  (業主變苦主) 出來上街吧。現時樓價不跌，但成交量大跌，苦的是地產經紀，又上街。

雖然我都覺得 CY 是欠缺了點政治智慧，但好似我昨日的文章所講，現任政府是在執上任政府的爛攤子，上一手取消主動賣地咁耐，引發這個樓市狂潮，現任政府不是一朝一夕能夠解決，所以有些市民上街話 CY 上任一年樓價沒大跌給他們上車，是自己太天真太傻？

其實當年董伯伯用心是好，樓價急升有人上唔到車，又話住屋供應短缺，又話剛性需求，咁董伯伯咪一次過起夠 8 萬 5 出黎，點知遇上亞洲金融風暴就大檸樂，自己都要腳痛下台。

現時仍然有好多人撐新加坡的房屋政策，話香港應該學新加坡，人人有屋住，用分配製度。但問題是，到時樓房就變成純粹的自住 (必需品)，無得炒，投資價值大減。試諗下有幾人 (有幾多個家庭) 過往數十年，是靠投資房屋賺大錢？製造多少財富效應？

世事就係咁，政府永遠不能完美地滿足所有人。總之父母有炒過樓，或者自己又炒過樓的 (即自住外再買多層收租) 的人士，是沒有資格插地產霸權的，因為我們自己本身也是這霸權中的一分子。