2012-6-26

昨晚歐美股市大跌，不過今天港股表現不錯，恒指全日升 84 點或 0.45%，國指升 34 點或 0.37%，總成交 402 億。國內股市微跌。

今天組合沒有買賣，下午索性不去看股市，今天回報 -0.11%。現時保留兩隻恒指熊證和一隻 A50 PUT 輪作對沖，其餘持股暫時不變。中線睇法維持不變，就是大盤未跌夠。

有傳中央收緊自由行，濠賭股今天逆市下跌，銀娛 (27) 跌 5.7% 和 金沙 (1928) 跌 5.8% 跌得最甘，其餘都跌約 2-5% 不等。金沙和永利最先現熊走勢，跟着輪到銀娛，早前反彈至 50天線受阻而回，今天更大跌，形勢十足 William O'Neil 所講的熊走勢。

在中央要為保經濟而頭痛時，會唔會繼續放那麼多熱錢 "賭" 入咸水海？就算唔收緊自由行，在民企相繼爆煲，那些小老闆融資困難時，落到澳門會唔會賭得咁豪？這個問題值得留意。

另外筆者建議大家不要隨便撈入一些超賣的二三四線股，在大盤 downtrend 時買強股尚會出事，何況在大盤 downtrend 時再買入更加 downtrend 的股票。

筆者最近已 "相中" 某大廈，無論地區及環境都好適合筆者，暫時尺價 5000 蚊 up，如果跌到 3500 蚊尺會幾吸引。 ^.^